信潘頓準備就緒

猪拉多纳

　　今日沙田馬場舉行十場賽事，當中七場草地有三場為直路賽，睇各騎師的直路賽坐騎實力，第二及八場都以莫雷拉最惡，看來雷神停賽復出要發威了。然而，賭馬唔博冷難贏大錢，所以在下棄三組直路賽不揀，並轉攻第六場四班1400米。

　　這場賽事，今季識贏的只得「信是有緣」、「新界福星」及「威祥」，可是三匹馬其實各有隱憂，不是試過失準冇影，就是曾受傷患困擾，倒不如揀匹質新馬更好。最後，我決定信潘頓，揀方廐「準備就緒」。這匹自購新馬的父親是「杜拜威」，在港服役的子嗣有極多實力分子，只計現役幾匹，已有「天久」、「事事為王」、「共創美好」及「迎風飄揚」等惡馬，由此可見，「準備就緒」的前途應無可限量。

　　這匹三歲馬上仗初出跑田草1200米雖只得第六，但路程明顯嫌短，貝湯美沿途要畀住才可跟上大隊，惟牠入直路沿欄撲上之勢頗勁，末段造22秒86頗不簡單，今次強配潘頓增程至1400米，有權掃晒。

　　(洋超)