F3公路打吡吼角球細

猪拉多纳

澳職都有唔少打吡戰，無論係西悉尼流浪者對ＦＣ悉尼，抑或墨爾本勝利對墨爾本雄心都好刺激。上個禮拜先踢完悉尼市打吡，唔講唔知，原來今日下晝場中岸水手對紐卡素噴射機都係打吡之一。皆因兩隊所在嘅距離係全澳職球會之間最近，我妹頭就查過網上地圖，大約就係香港至廣州嘅路程左右啦！由於佢哋之間有條Ｆ３公路連接，所以呢場波又叫「Ｆ３公路打吡」囉！

（有線64及203台周六下午4時45分直播）

水手最近好似食咗瀉藥咁，近六場聯賽輸咗五場，聯賽排名跌到去第六位嘅警界線喇！今場如果再輸，佢哋就會被少一分嘅噴射機反超前。踢埋呢場，就得番四場常規賽，可以追番上前六嘅機會亦買少見少，再唔振作，莫講話衞冕咁長遠，分分鐘連季後賽都無得踢呀！
水手噴射機有惡鬥

但係近排嘅澳職已經唔可以用常理嚟推斷，尤其係大家嘅實力接近，入前六競爭超大，往往爆出冷門！話就話水手喺聯賽嘅近績差，但係佢哋周中踢亞冠盃居然又贏到日職嘅廣島三箭噃，所以今日要估邊隊贏認真高難度！

既然係咁，就不如估角球開細好過。皆因以澳職計，水手踢法嘅特色除入球少外，逼得角球都唔多，平均每場只係十個以下，全澳職得阿德來德聯少過佢。最近兩輪澳職總共十場波，都開出咗八次角球細，當中梗有水手同噴射機份啦，順理成章今日就一於整多次角球細啦！
妹頭推介

中岸水手Vs紐卡素噴射機

角球：細