金鎗俠告達理壯行色

猪拉多纳

本周六港隊代表強攻杜拜世界盃賽夜，當中遠征經驗最豐富嘅，梗係告廐「時尚風采」，尋日倉主先喺本地賽事贏得頭馬以壯行色，憑第三場「金鎗俠」攞到本季第十七場勝利。
       
告達理

大告就話「金鎗俠」呢匹官仔馬身形單薄，之前狀態唔太穩定，好彩最近健康好轉，今次用埋呂卓賢減多七磅超輕磅上陣，沿途亦無畀人撞，順順利利一衝過晒，成功打破齋缽。而大告尋晚已經起程飛去杜拜，為第四次角逐阿喬斯短途錦標嘅「時尚風采」作備戰工夫。呢隻老黃忠贏過2010年一屆，近兩年就分別跑入第三同第二。