競賽小組雙重標準

不死鸟

早前筆者批評競賽小組大細超，有關人員針對冼毅力而做大，果然無批評錯佢競賽小組，事緣五一勞動節賽事，冼毅力提早離場而被電召回來到研訊室問話畀口供，此事惹到冼毅力不滿，到研訊室後對競賽小組有關人員出言不遜而被罰款兩萬元，冼毅力聽後更拂袖而去，最後更換來即時停賽，後來再經研訊更重罰停賽一個月。
上次在此文講過，之前有練馬師及騎師曾提早離場，而賽後競賽小組搵此些騎練問話，但因他們離場而押後問話，但點解冼毅力該日離場後需要問話，但係就唔可以押後問話呢？同一事件而作出雙重標準，咁樣仲唔係大細超？點知剛次周末賽事，競賽小組即刻話畀筆者知，我係大細超，你吹咩！
事緣該日第九場賽事，葉楚航馬房的「實業輝煌」爆冷贏馬，競賽小組要練馬師葉楚航釋該駒進步表現，但因葉楚航已離場，但競賽小組無電召葉楚航番來解釋，而係選擇另訂日期召見葉楚航，請問各位競賽小組有關成員，點解同一樣事件，冼毅力該日離場後，須要他問話就要電召即時回來研訊室，而葉楚航該日離場後，需要他解釋馬匹的進步，就唔使電召他即時到研訊室解釋，而可以另定日期召見他解釋呢？
原來競賽小組有關人員鍾意點做就點做，同一事件用不同手法處理，雙重標準，令人難信服。