新意思加面箍搏殺

不死鸟

▲「跑得叻」上周四已經由柏寶過檔，跳完之後騎者好滿意此駒狀態，立即落實今仗嘅策騎聘約，而當日馬主亦一早入場睇操，兼與沈集成密斟一大輪。

        另外，馬房已經申請「跑得叻」聽朝坐雙格車過海，兼由儀仗馬牽引到閘口，馬房花咗咁多心思，今次唔搏就奇。

         ▲「新意思」上仗出閘慢一慢，最後只能夠追獲一席季軍，過終點後有人黑晒口面，似乎對馬匹表現唔多滿意。近日馬房為咗呢匹馬費盡心思，晨課及下晝響馬房外地堂彈閘，都幫此駒加上羊毛面箍，而呢件配備對呢匹馬確有幫助，出閘時已唔再挨閘。上仗「新意思」賽前有汗濕，今次馬房對症下藥，一早申請聽朝坐雙格車過海，等呢隻馬情緒穩定啲，明晚出賽時自然可以發揮出應有實力。

冼毅力續牌要提理由

        ▲牌照委員會昨日向冼毅力發出通知，要求他就其○八至○九年度馬季現行馬會騎師牌照為何應繼續有效而「提出理由」。 委員會定於五月廿六日星期二上午十時在跑馬地馬會總部大樓十六樓董事局會議室召見冼毅力，就其所提出的理由進行聆訊。