潘頓認定實業風采夠長力

猪拉多纳

　　葉楚航馬房近期成績甚佳，前晚又於谷中賽事添兩場頭馬，可見馬房鬥志鮮明，周日沙田賽事，葉廐亦有多匹實力馬參戰，相信仍可以爭得好成績。馬房中人指出，葉廐多駒中，最要留意第六場的「實業風采」，潘頓早已讚過此駒鬥心強，並指其成熟後可跑更長途程。此駒復課後有好大進步，口勁收斂，易受操控，做到快慢由人的地步，所以今次跑至1800米一定可以應付，馬在四班一定超級，今番乘勇再拼，有力連捷。

　　另一匹值得睇好之葉廐馬，是第八場的「旅遊名牌」，此駒宜大長途，上仗跑2200米可力壓「桃花心」取勝，足證實力非凡，今番再來，加程至2400米亦無問題，因為牠是正宗氣袋，末段有極強的加速力，比起跑法均速的「桃花心」更適合跑大長途，有力再勝。

　　至於葉廐「育成群駒」及「各適其適」均有佳態支持，路程合腳法，有足夠實力爭雄，機會坐位望贏。尤其是「各適其適」，上仗後上爭得第二，僅以半個馬位敗在「陽明星星」蹄下，當時狀態只屬初起，拼後火氣冒升，今次雖再與「陽明星星」碰頭，但排位較佳，有力反先。