爪皇豪火「粉絲」遞增

猪拉多纳

　　今晚谷草賽事有好多實力馬在陣，但最奇怪嘅係，大部分場次隔晚都冇一匹馬係一面倒大熱門，同場梗係有另一駒同佢爭票數。究竟係兩駒單打獨鬥定係爆冷收場？睇嚟都係後者居多。

　　噚日睇飛，發現頭尾場各有一匹馬票數異常咁勁，佢哋分別係頭場「寶成智星」同埋尾場「爪皇豪火」（見表），而周某就喜歡後駒多啲。話說「爪皇豪火」今季跑咗十一場賽事，次次獨贏賠率都有11倍及以上，就算佢喺1月15日跑完第三，跟住2月5日再出都仲有11倍，或多或少係信心唔夠嘅迹象。但係今次佢隔晚票數好明顯唔同，竟然曾得7.3倍，同上仗嘅13倍相比，少咗接近一半，如果佢今晚開跑前，個W都仲係唔夠10倍，可以博一注了。騎師王方面，田泰安惡馬多有16倍抵玩。(周仲)