方廐連贏四日當旺

不死鸟

【本報訊】今季大摩手風甚順，一直於練馬師榜遙遙領先，但季尾階段卻出現變數，排第二及三位的蔡約翰、方嘉柏最近頻頻贏馬，而昨晚方廐勝出「當旺」後，連續四個賽日交出頭馬外，目前更升上練馬師榜第二位，與大摩的差距縮窄至九場，季內尚餘十三個賽日，相信冠軍練馬師之爭仍然激烈。

　　「當旺」今戰換上蔡明紹減磅出擊，一早已居於前列好位，最後二百米雖受到「星光活力」威脅，但力拼下仍以鼻位之先險勝，取得季內第二捷。方嘉柏表示，此駒力度短暫，如續用後追跑法未必湊效，這次改用跟前戰略取勝，可算是變招成功。

        除方嘉柏發威外，榜尾分子伍碧權亦有頭馬進帳，「年年如意」最近經常接近而冇威脅，但昨晚續配徐君禮下以凌厲後勁開齋，替伍廐取得季內第十一場頭馬，只要贏多兩場便順利達到馬會的發牌要求，而牠亦以2分18秒19的頭馬時間，刷新由「紅運精英」保持的五班谷草2200米班際紀錄。

霍利時馬偉昌起孖

        雖然韋達正值停賽，但不少剛在其胯下入圍的馬仍繼續出擊，如「亞洲橙王」上仗配韋達贏谷草千二米，今戰易配馬偉昌跑同程取得連捷。另外，廐侶「玩具神話」亦在其胯下食尾胡，令鞍上人以二十八分勝出騎師王。霍利時說﹕「『亞洲橙王』今季適應水土後，表現愈來愈好，既然贏馬姿態尚算輕鬆，煞科前會盡量安排再跑此程爭功。」