包裝博士級數高

猪拉多纳

　　第八場一班草地1600米，亦是今戰之重頭戲亞洲電視盃，「包裝博士」季內雖然未取勝，但兩度於同程上名，分別是國際一級賽香港一哩錦標跑第三，及本地二級賽主席錦標得第二，俱屬高水準演出；今次降格只跑普通一班賽事，級數上明顯秤先好多，未交代馬必把握此良機，可望順利贏馬兼捧盃。

　　大摩五駒之中，「駿馬名駒」表面睇卡士最弱，但今季肯定處於大熟期，愈跑愈進步，仍有上升空間，用貝湯美只負115磅形勢有利，隨時是馬房主力所在。

　　第十場三班草地1400米，「魚躍鳥飛」在港跑過三次仗比仗好，其中上場田草1600米得第二僅不敵路程專家「各適其適」，表現出色；今次唞番接近兩個月，縮程跑連同外地三戰全上名的1400米，而賽前大閘亦走得輕鬆，應鎖定今仗為出擊目標，有力食尾胡。

　　「馬主明星」轉文廐兩戰獲一季一殿，上仗同程於當日賽道不利追環境下，後上第三只以四分三身位見負，可見大有起色，負磅輕可出冷。